搬左三日, 終於將公司大部份既野都搬返屋企.

以為自己一向都唔係好多野, 原來執下執下有咁多架喎.

仲超重, 個幾鐘先返到屋企.

第時仲要睇下點慢慢執添.

距離我last day仲有3個工作日,

其他同事開始farewell我啦.

而家已經食左4餐, 仲有3餐未食.

都算係幾欣慰, 自己平時又靜又內向, 平時都唔多野講.

但周圍d同事對我都冇唔錯, 連坐我對面既同事.

有幾個同事都同佢唔岩, 但對我又OK喎.

其他同事, 有幾個仲會同我講心事添.

可能覺得我唔出聲, 口密D. :p  成日講完叫我唔好同人講. 哈.

前幾日同team leader食晚飯, 佢仲讚我做野準.

呢d開心野真係要記低佢鼓勵下自己. hehe..

佢就辛苦lu, 要去學做admin野.

佢話同我性格差唔多, 可能大家都係金牛座,

都係鍾意靜, 而admin既野就要動, active, 所以好吃力.

我都希望佢可以克服到.

尋日下午就同我一齊食飯既同事食last一次,

大家都一齊入依間公司就一齊食飯, 其間有加人有減人.

但係佢就冇變過, 都六年lu, 有點依依不捨.

倒數既心情都幾複雜, 仲有3日.....